ലണ്ടന്‍: ഇസ്രായേല്‍ തടവിലിട്ട പലസ്തീന്‍ തടവുകാരെ മോചിപ്പിക്കണമെന്ന് ആവശ്യപ്പെട്ട് ലണ്ടനിലെ ആക്ടിവിസ്ററുകള്‍ റെഡ് റിബണ്‍സ് എന്ന പേരില്‍ ആഗോള കാമ്പെയ്ന്‍ ആരംഭിച്ചു. പലസ്തീന്‍കാരായ തടവുകാരെ തൂക്കിക്കൊല്ലാന്‍ അനുവദിക്കുന്നതിനുള്ള ഇസ്രായേലിന്റെ ഏറ്റവും പുതിയ നിയമനിര്‍മാണ നീക്കത്തെ ഐക്യരാഷ്ട്രസഭ അപലപിച്ചതിനു പിന്നാലെയാണ് പുതിയ പ്രചാരണ പരിപാടി.

പൊതു ഇടങ്ങളില്‍ ആക്ടിവിസ്ററുകള്‍ ചുവന്ന റിബണുകളും തടവുകാരുടെ ചിത്രങ്ങളും സ്ഥാപിച്ചു. ഗസ്സയില്‍ നിന്നും അധിനിവേശ വെസ്ററ് ബാങ്കില്‍ നിന്നുമുള്ള 400ലധികം കുട്ടികളും 150തോളം മെഡിക്കല്‍ തൊഴിലാളികളും ഉള്‍പ്പടെ കുറഞ്ഞത് 9,000 പലസ്തീനികളെ ഇസ്രായേല്‍ അധികൃതര്‍ നിയമവിരുദ്ധമായി തടവിലാക്കിയിട്ടുണ്ട്.

ജയില്‍ അധികാരികള്‍ക്ക് വിപുലീകൃത അധികാരങ്ങള്‍ നല്‍കുന്ന ഇസ്രായേലി നിയമനിര്‍മാണത്തെക്കുറിച്ചുള്ള ആശങ്കകള്‍ വര്‍ധിച്ചുവരുന്ന സാഹചര്യത്തിലാണ് കാമ്പയ്ന്‍. തടങ്കല്‍ നീട്ടാനുള്ള കഴിവ്, ശിക്ഷ പൂര്‍ത്തിയാക്കിയ തടവുകാരെ മോചിപ്പിക്കുന്നത് തടയുക, പലസ്തീന്‍ തടവുകാര്‍ക്ക് മാത്രമായി വധശിക്ഷ വിധിക്കുക എന്നിവയെ ആക്ടിവിസ്ററുകള്‍ അപലപിക്കുന്നു.

ഇസ്രായേല്‍ കൈവശം വച്ചിരിക്കുന്ന ബന്ദികളുടെ ദുരവസ്ഥ ഉയര്‍ത്തിക്കാട്ടാന്‍ ഈ സംരംഭം ശ്രമിക്കുന്നുവെന്ന് കാമ്പെയ്ന് തുടക്കമിട്ട അദ്നാന്‍ പ്മിദാന്‍ പ്രസ്താവനയില്‍ പറഞ്ഞു.

"ഇസ്രായേല്‍ ജയിലുകള്‍ക്കുള്ളില്‍ സംഭവിക്കുന്നത് ഒറ്റപ്പെട്ട ദുരുപയോഗങ്ങളുടെ ഒരു പരമ്പരയല്ല. മറിച്ച് പൂര്‍ണമായും വികസിപ്പിച്ച അപമാനത്തിന്റെയും വ്യവസ്ഥാപിത പീഡനത്തിന്റെയും ഒരു സംവിധാനമാണ്. അത് ഇപ്പോള്‍ വ്യക്തമായ വംശീയ നിയമങ്ങളിലൂടെ നിയമവിധേയമാക്കപ്പെടുന്നു. പലസ്തീന്‍ തടവുകാരുടെ അവകാശ സംഘടനകള്‍ ഇസ്രായേലിനെതിരെ വ്യാപകമായ പീഡനം, ശാരീരികവും ലൈംഗികവുമായ ദുരുപയോഗം, ദീര്‍ഘകാല ഏകാന്തതടവ്, മെഡിക്കല്‍ അവഗണന എന്നിവ ആരോപിച്ചിട്ടുണ്ട്. ഗസ്സക്കെതിരായ ഇസ്രായേലിന്റെ വംശഹത്യാ യുദ്ധം ആരംഭിച്ചതിനുശേഷം പട്ടിണി~കസ്ററഡി മരണങ്ങള്‍ എന്നിവയെക്കുറിച്ചുള്ള റിപ്പോര്‍ട്ടുകള്‍ വര്‍ധിച്ചുവെന്നും ആക്ടിവിസ്ററുകള്‍ ചൂണ്ടിക്കാട്ടി.

രഹസ്യ തെളിവുകളുടെ അടിസ്ഥാനത്തില്‍ കുറ്റം ചുമത്താതെയോ വിചാരണ കൂടാതെയോ ഇസ്രായേല്‍ അധികൃതര്‍ക്ക് തടവിലാക്കാന്‍ അനുവദിക്കുന്ന "ഭരണപരമായ തടങ്കല്‍' മനുഷ്യാവകാശ സംഘടനകള്‍ കൂട്ടശിക്ഷയുടെ ഒരു ഉപകരണമായി വ്യാപകമായി അപലപിച്ചിട്ടുണ്ട്.

ഈ തടങ്കല്‍ ഉത്തരവുകള്‍ പ്രകാരം പലസ്തീനികളെ അനിശ്ചിതമായി തടവിലാക്കാന്‍ കഴിയും. പലപ്പോഴും അവര്‍ക്കെതിരായ ആരോപണങ്ങള്‍ എന്താണെന്നുപോലും അറിയാതെയാണിത്. ഇസ്രായേല്‍ ആസ്ഥാനമായുള്ള മനുഷ്യാവകാശ സംഘടനയായ "ഹാമോകെഡിന്റെ' കണക്കനുസരിച്ച് 2026 ജനുവരി വരെ കുറഞ്ഞത് 3,300 പലസ്തീനികള്‍ നിലവില്‍ ഭരണപരമായ തടങ്കലില്‍ കഴിയുന്നുണ്ട്.